Në kuadër të programit Support Higher Education Reform Experts (SHER), nga data 20 – 23  Prill 2026, përfaqësuei nga Zyra e IRO së  nga Universiteti “Fehmi Agani”, z, Bujar Nura   morri  pjesë në një vizitë studimore në Vjenë (Austri).

Vizita u fokusua në një pasqyrë të përgjithshme mbi sistemin e Bolonjës , me theks të veçantë në zhvillimet bashkëkohore në arsimin e lartë, sigurimin e cilësisë, ndërkombëtarizimin e universiteteve dhe promovimin e mobilitetit akademik dhe atij studentor..

Gjatë sesioneve të punës , pjesëmarrësit patën mundësi të njihen nga afër me praktikat austriake dhe evropiane lidhur me:

• implementimin e parimeve të Procesit të Bolonjës;

• strategjitë institucionale për ndërkombëtarizim;

• forcimin e bashkëpunimit ndërkombëtar dhe partneriteteve akademike;

• rolin e mobilitetit, programeve ERASMUS + dhe dimensionit ndërkombëtar në zhvillimin institucional.
   

Vizita studimore në Universitetet e Agrikulturës, Universitetin e Mjekësisë, Universitetin Teknologjik dhe atë të Shkencave Aplikative në Vjenë shërbeu si platformë e vlefshme për shkëmbim përvojash me ekspertë ndërkombëtarë dhe përfaqësues të institucioneve të arsimit të lartë, duke kontribuar në avancimin e njohurive dhe praktikave që mbështesin proceset reformuese dhe agjendën e ndërkombëtarizimit në universitet.

Pjesëmarrja në këtë aktivitet përbën një hap të rëndësishëm drejt forcimit të kapaciteteve institucionale dhe harmonizimit me standardet e European Higher Education Area, në funksion të rritjes së cilësisë dhe dimensionit ndërkombëtar të universitetit. Poashtu, kjo vizitë ka rëndësi të veçantë për UFAGJ në disa dimensione strategjike:
 

• Forcimi i ndërkombëtarizimit institucional

•  Mbështetje për reformat në arsimin e lartë

•  Zhvillimi i kapaciteteve të stafit

•  Mundësi për partneritete dhe projekte ndërkombëtare

• Pzicionimin  më i mirë i UFAGJ në hapësirën evropiane të arsimit të lartë

• Transferim i praktikave të mira në universitet