Ju njoftojmë se Ambasada e SHBA-ve ka hapur thirrjen për aplikim në Programin Fulbright për Studiues Vizitorë për vitin akademik 2027–2028. Ky program u ofron kandidatëve që plotësojnë kriteret e pranueshmërisë mundësinë për të marrë pjesë në shkëmbim akademik, për të zhvilluar kërkime shkencore dhe për të forcuar bashkëpunimin profesional me institucione akademike në Shtetet e Bashkuara të Amerikës.

Programi u dedikohet studiuesve dhe hulumtuesve të kualifikuar, të cilët synojnë të avancojnë zhvillimin e tyre akademik dhe profesional përmes shkëmbimit dhe bashkëpunimit ndërkombëtar për një periudhë prej tre deri në gjashtë muaj.

Afati i fundit për aplikim: 30 nëntor 2026

Si të aplikoni: Për të plotësuar aplikacionin online, ju lutemi vizitoni: https://apply.iie.org/fvsp2027

Për më shumë informata rreth programit, kritereve të pranueshmërisë dhe procedurave të aplikimit, ju lutemi vizitoni faqen zyrtare të Ambasadës së SHBA-së në Kosovë dhe faqen e Bordit për Shkëmbime Arsimore ndërmjet Shteteve të Bashkuara dhe Kosovës (USKEB).

Inkurajojmë të gjithë kandidatët e interesuar që t’i shqyrtojnë me kujdes udhëzimet e programit dhe të fillojnë përgatitjen e aplikacioneve sa më herët, përpara afatit të fundit për aplikim.

Për çdo pyetje, ju lutemi të na kontaktoni në:

E-mail: [email protected]
             [email protected]