Klubi Letrar “Gjurmët e Penës”, me ftesë nga “Shoqata Atdhetare Kulturore Mbarëkombëtare Vëllezërit Frashëri” me datë 24-25-26 maj 2018, 6 anëtarë të klubit u mirëpritën nga kryetari i shoqatës Tomor Kotorri dhe anëtarët e saj Belul Hasanbeliu e Bardhyl Buba ku morën pjesë në Programin Kulturor “Ditët Naimiane”, me ç’rast u njohën me vendlindjen e vëllezërve Frashëri dhe me kulturën e tyre, me krijimtarinë e tyre letrare, e më pas u veçuan kontributet e tyre si nga këndi letrar ashtu edhe kombëtar. 
Fillimisht bënë homazhe tek bustet e Vëllezërve Frashëri dhe vizitë në Shtëpinë Muze, pastaj programi vazhdoi me Poetekën Frashër dhe përfundoi me Konferencë Shkencore ku morën pjesë profesorë të ndryshëm nga të gjitha trevat shqiptare.