Më 14 shtator 2021 (e martë), në mënyrë virtuale u zhvillua takimi ndërmjet anëtarëve të grupit menaxhues të projektit DRIVE.

Në këtë takim u diskutuan hapat e ardhshëm, si;

• Rritja e kapacitetit të stafit për kërkime;
• Punëtori mbi publikimet dhe etikën;
• Punëtori mbi menaxhimin e kërkimit;
• Zhvillimin e kapaciteteve institucionale për kërkime;
• Krijimi i rrjetit të kërkimit dhe inovacionit, si dhe
• Zhvillimi i një platforme virtuale.

Pjesëmarrës në takim ishin përfaqësues nga universitetet:

• Universiteti Politeknik i Tiranës (AL)
• Universiteti Evropian i Tiranës (AL)
• Universiteti i Prishtinës “Hasan Prishtina” (KS)
• Kolegji Universum (KS)
• Universiteti i Teknologjisë në Hamburg (GE)
• Politekniku i Milanos (IT)
• Universiteti Aalborg (GE)

Universiteti “Fehmi Agani” në Gjakovë në këtë takim u përfaqësua nga z. Denis Spahija, Udhëheqës i Zyrës për Marrëdhënie me Jashtë, i cili është koordinator institucional i këtij projekti.

Projekti “Zhvillimi i Kapaciteteve Kërkimore dhe Inovacionit në Shqipëri dhe Kosovë – DRIVE (Developing Research and Innovation Capacities in Albania and Kosovo)” ka për qëllim të kontribuojë në zhvillimin e aftësive kërkimore dhe inovacionit të IAL-ve në Shqipëri dhe Kosovë duke rritur aftësitë e tyre institucionale, aftësitë e personelit dhe rrjetëzimin.