Më 10 shtator 2021 (e premte), Këshilli Qendror për Sigurim të Cilësisë në Universitetin “Fehmi Agani” në Gjakovë, i përbërë nga prof. ass. dr. Laura Naka, prof. ass. dr. Laura Naka, prof. ass. dr. Dardan Koçinaj, ass. Elsa Vula dhe z. Daut Islami u takuan për të diskutuar rreth zhvillimeve të sigurimit të cilësisë dhe çështje tjera lidhur me universitetin.

Këshilli Qendror për Sigurim të Cilësisë në këtë takim u njoftua me vendimin e Këshilli Shtetëror i Cilësisë (KShC) i Republikës së Kosovës për plotësimin e Parimeve themelore të Manualit për Akreditim, sa i përket akreditimit të IAL-ve në nivel të programeve dhe në nivel institucional.

KQSC, shqyrtoi rekomandimet e raporteve nga Ekipi i Ekspertëve (EE), dhe përcaktimin e grupeve punuese për përgatitjen e planit të implementimit të rekomandimeve institucionale dhe të programeve nga Ekipi i Ekspertëve (EE). Në fund, KQSC i UFAGJ-së draftoi planin e aktiviteteve për sigurimin e cilësisë 2021/2022.