![Konkursi Rajonal "Ideja ime e Biznesit" 2019](/images/lajmet/84518-Logo_AUF11.jpg)
Konkursi Rajonal "Ideja ime e Biznesit" 2019
Duke pasur si prioritet
strategjik futjen në tregun e punës dhe zhvillimin e kulturës së sipërmarrjes
për studentët e institucioneve anëtare në Evropën Qendrore dhe Lindore (ECO),
AUF-ja (Shoqata e Universiteteve Frankofone) ka hapur një konkurs për studentët
frëngjisht folës, të të gjitha niveleve universitare, për t'i inkurajuar ata që
të paraqesin idenë e tyre të biznesit për profesionistët e fushës.
Qëllimet e konkursit rajonal "Ideja ime e Biznesit" janë:
· të sensibilizojë studentët në mënyrë që ata ta konsiderojnë krijimin e një ndërmarrjeje si një mundësi të rëndësishme në jetën e tyre profesionale;
· të nxisë dhe të promovojë nismat ndërmarrëse;
· të sjellë ide për krijimin e një biznesi;
· të mbështesë krijimin e biznesit;
· të nxjerrë në pah dhe të shpërblejë projektet më të mira të krijimit të biznesit.
Ky konkurs është i hapur për të gjithë studentët frëngjisht folës të universiteteve anëtare të AUF-së në Evropën Qendrore dhe Lindore, pavarësisht nga mosha, gjinia ose fusha e studimit.
Kandidati duhet:
· të jëtë i regjistruar rregullisht në një universitet anëtar të AUF-së në Evropën Qendrore dhe Lindore (auf.org/les_membres/nos-membres/) gjatë periudhës së konkursit (prill - nëntor 2019, vitet akademike 2018 - 2019 dhe 2019 - 2020);
· të jetë frëngjishtfolës (duke filluar nga niveli B1)
· të plotësojë formularin e konkursit në platformën https://formulaires.auf.org (Concours régional « Mon idée d’affaires » 2019, Europe centrale et orientale).
Për të shkarkuar rregulloren dhe forumularin e aplikimit, klikoni në linkun e më poshtëm:
Afati i fundit për dorëzimin e aplikimeve: 21 qershor 2019 në orën 17h (ora e Bukureshtit)
Për informata shtesë, ju mund të kontaktoni në emailin: [email protected]