Java e infermierisë në Universitetin “Fehmi Agani” përmbyllet me kampanjën vetëdijësuese për qytetarët e komunës së Gjakovës

Gjatë ditës së sotme me iniciativën e Këshillit Studentor të Fakultetit të Mjekësisë, studentët e këtij fakulteti dhe në bashkëpunim me asistentët e Fakultetit të Mjekësisë, u realizua kampanja vetëdijësuese ndaj të qytetarëve dhe kryesisht të moshuarve në komunën e Gjakovës.

Nga studentët e Fakultetit të Mjekësisë, departamenti Infermieri janë realizuar falas këto shërbime:

- Matja e Tensionit Arterial

- Matja e Glikemisë.

- Matja e Pulsit dhe

- Matja e Saturimit të Oksigjenit

- Shpërndarja e broshurava promovuese për shëndetin dhe mënyren e të ushqyerit shëndetshëm.

Gjatë Javës së Infermierisë, nga studentët e deges së Infermierisë dhe Shëndetit Publik u prezantua një përmbledhje hulumtuese që vë në pah arsyet, shkaqet e emigrimit dhe impaktin e tyre në sistemin shëndetësor, u dhanë ide, u nxorën konkluzione, përfundime dhe rekomandime.

U organizua ndër të tjera edhe një tryezë diskutimi me temë: “Ndikimi i emigrimit të stafit shëndetësor dhe impakti në ofrimin e shërbimeve shëndetësore”, i organizuar nga studentët e Fakultetit të Mjekësisë dhe stafit akademik.

U.d rektori i Universitetit “Fehmi Agani” Zeqir Hashani ka përshëndetur të gjitha këto aktivitete, dhe i ka përgëzuar studentët, stafin akademik, dhe të gjithë akterët që mundësuan manifestimin e Javës së Infermierisë në mënyrën më të mirë.

Theksojmë që menaxhmenti i UFAGj-së ka përkrahur financiarisht realizimin e këtyre aktiviteteve për shënimin e Javës së Infeermierisë, e cila manifestohet e shpallur zyrtarisht në mbarë botën.

Fotot e lajmit

Vegëza Relevante

Rreth universitetit

Postimet e fundit

Tel.

Email

Adresa