Në Universitetin Teknik në Sofia, më 29 mars kanë filluar punimet tre ditore në kuadër të projektit QUADIC, projekti ky që financohet nga programi i BE-së Erasmus +. Në këtë trajnim marrin pjesë universitetet publike të Kosovës, disa universitete nga Shqipëria, universiteti francez “Cote d’Azur”, universiteti Italian “Universita per Stranieri di Periuga”, universiteti i Zagrebit etj.

Një ndër pikat kyqe që po diskutohet është zhvillimi i bashkëpunimit rajonal dhe krijimi i rrjetit të asociacioneve – RECON etj. Nga Universiteti "Fehmi Agani" Gjakovë në këtë punëtori po marrin pjesë Prorektorja për cilësi, Prof. Ass. Dr. Laura Naka dhe udhëheqësi i zyrës për bashkëpunim ndërkombëtar dhe projekte z. Denis Spahija.