Në kuadër të procesit të riakreditimit institucional, në Universitetin “Fehmi Agani” në Gjakovë janë mbajtur takimet online me ekspertët ndërkombëtarë të AKA -së, për shkak të pandemisë me COVID-19. I pranishëm gjatë takimeve me grupet e ndryshme në UFAGJ ishte edhe z. Naim Gashi, drejtor i Agjencisë së Kosovës për Akreditim (AKA).

Grupi i ekspertëve  ndërkombëtar i përbërë nga Prof. Dr. Milan Pol, nga Universiteti Masaryk, Prof. Dr. Magdalena Platis, nga Univrsiteti i Bukureshtit dhe  z. Christoph Back, student, zhvilluan takime online me shtatë grupe të organizuara nga Universiteti “Fehmi Agani” për këtë proces. Pjesë e këtyre takimeve, përveç menaxhmentit, përfaqësuesit e sigurimit të cilësisë dhe shërbimet administrative, drejtuesit e fakulteteve, stafit akademik dhe studentëve, ishin edhe studentët e diplomuar si dhe punëdhënësit e të diplomuarve dhe palët e jashtme të interesit.

Rektori i Universiteti “Fehmi Agani” Prof. Ass. Dr. Artan Nimani, tha se takimet me ekspertë kanë shkuar shumë mirë, dhe e vlerësoi organizimin e bërë për këtë proces nga AKA-ja. Ai theksoi se në UFAGJ ka pasur një mobilizim të jashtëzakonshëm sa i përket procesit të riakreditimit institucional për çka falënderoi të gjithë ata që kanë qenë të angazhuar.

Procesi i akreditimit përfshin sigurimin e brendshëm dhe sigurimin e jashtëm të cilësisë, i cili vazhdon të mbetet mjeti kryesor për vendosjen e standardeve të cilësisë në sistemin e arsimit të lartë në Kosovë.