Besjana Kuqi, studente në Universitetin “Fehmi Agani” në Gjakovë, përmes ndërmjetësimit të Erasmus+ po ndjek ligjëratat në Universitetin polak WSB, në qytetin Dąbrowa Górnicza të Polonisë.

Shkëmbimi i frytshëm semestral ndërmjet Universitetit "Fehmi Agani" në Gjakovë dhe Universitetit WSB në Poloni është një dëshmi e bashkëpunimit të tyre të jashtëzakonshëm. Këto dy institucione kanë ndarë përvojat e tyre për vite me radhë në forma të ndryshme, duke përfshirë shkëmbime si për studentë ashtu edhe për stafin akademik në konferenca dhe trajnime ndërkombëtare.

Besjana shprehet se po kalon një eksperiencë të mrekullueshme gjatë këtij semestri pesë mujor në Poloni, ku në mesin e studentëve nga e gjithë Evropa e më gjerë ka arritur të sigurojë jo vetëm pasurim akademik, por edhe një botëkuptim më të thellë kulturor. Ajo është mirënjohëse ndaj Universitetit “Fehmi Agani” dhe Universitetit WSB, për mundësinë e dhënë që të ndjekë këtë rrugëtim.

“Përvoja e studimit jashtë vendit në Universitetin WSB ofron jo vetëm një arsimim të nivelit të lartë, por edhe një zhytje kulturore.Mjedisi i larmishëm dhe dinamik, i shoqëruar me mundësinë për të ndërtuar lidhje të qëndrueshme ndërkombëtare, e bën Erasmus një udhëtim transformues që ia vlen të fillohet. Aftësitë, perspektivat dhe miqësitë e krijuara gjatë kësaj përvoje janë pasuri të paçmueshme që do të ndikojnë gjatë gjithë jetës suaj akademike dhe profesionale. Mos e humbisni mundësinë për të përqafuar aventurën e Erasmus dhe për të zhbllokuar një botë me mundësi!”

Historitë e suksesit si ato të Besjanës janë dëshmia më e mirë se Universiteti "Fehmi Agani" ofron mundësi të barabarta për rritje dhe avancim profesional për të gjithë studentët, në këtë rast përmes shkëmbimeve semestrale ku studentët fitojnë përvojat më të mira.