Kanë vazhduar takimet me drejtorët komunalë në kuadër të realizimit të  vlerësimit të brendshëm me qëllim të përmirësimit dhe përditësimit të plan-programeve si dhe hulumtimit të tregut të punës. Takimi i radhës u realizua me drejtoreshën për Shëndetësi dhe Mirëqenie Sociale, zonjën Adelina Shehu-Kola ku U.D.

Prorektorja për Zhvillim Akademik dhe Ngritje të Cilësisë, Prof. Ass. Dr. Gentiana Muhaxhiri dhe drejtori i Zyrës për Sigurim të Cilësisë, z. Daut Islami i prezantuan nevojat e bashkëpunimit ndërinstitucional. Drejtoresha u shpreh e gatshme për të ndihmuar në ecurinë e proceseve të nisura. Bashkë me drejtoreshën u bisedua edhe për një sërë çështjesh, të cilat janë në dobi të Universitetit dhe komunitetit tonë. Pjesë e takimit që u përmbyll me zotimet e të dyja palëve për bashkëpunim, ishte edhe asistentja e rektorit të UFAGj-së, znj. Tringa Kozniku.