Rektori i Universitetit Prof.Asoc.Dr Artan Nimani së bashku me menaxhmentin  priti në takim anëtarët e shoqatës SHUKOS/YWP-K.

Universiteti “Fehmi Agani” në Gjakovë (UFAGJ) do të bashkëpunojë me shoqatën SHUKOS/YWP-K (asociacioni i Ujësjellësve dhe Kanalizimeve të Kosovës) për çështje me interes reciprok për të dy palët. Për specifikimin e fushave të bashkëpunimit sot u nënshkrua edhe një Marrëveshje Bashkëpunimi nga rektori i UFAGJ – së , Prof.Asoc.Dr. Artan Nimani dhe drejtori  i YWP-K, Albert Salltakaj.

Qëllimi i Memorandumit të Mirëkuptimit (“MOU”) është njohja e marrëdhënies ndërmjet Universitetit “Fehmi Agani” në Gjakovë dhe SHUKOS/YWP-K, në përgatitjen, organizimin dhe zbatimin e  aktiviteteve  të përbashkëta, për të kontribuar në ngritjen e kapaciteteve të profesionistëve të rinj në sektorin e ujit në Kosovë.

SHUKOS është një shoqatë profesionale e njohur gjerësisht. Ajo vepron si një lidhje ndërmjet saj anëtarët në zhvillimin, promovimin dhe mbrojtjen e interesave të përbashkëta të ujit dhe ujërave të zeza. YWP-K funksionon prej disa vitesh nën ombrellën e SHUKOS-it dhe siç parashikohet në Objektivat Strategjike të SHUKOS (2020-2025), ky grup synon të zhvillohet më tej me ide të reja dhe anëtarë të rinj. Qëllimi i YWP-K është të ofrojë informacion dhe aktivitete që synojnë të përmirësojnë ngritjen e rrjeteve të ndryshme mes profesionistëve të rinjë (të ujit), si dhe ofrojnë mundësi në karrierë për brezat e ardhshëm, duke rritur kështu vlerën e kontributit të tyre në qëndrueshmërinë e sektorit. Ky mision mbështetet më tej nga:

• Inkurajimi i profesionistëve të rinjë për t'u përfshirë më shumë me SHUKOS në nivelet kombëtare dhe rajonale.
• Krijimi i një mjedisi ku profesionistët e rinjë mund të takohen, të marrin informacion dhe shkëmbejnë ide;  
• Mundësitë për të mësuar dhe rritur profesionalisht përmes seminareve profesionale;
• Inkurajimi për t'u angazhuar në aktivitete vullnetare.