Më 15 korrik 2021, rektori, prof. ass. dr. Artan Nimani ka pranuar konfirmimin për anëtarësimin e Universitetit “Fehmi Agani” në Gjakovë në Këshillin Amerikan për Arsimin – American Council on Education (ACE).

Anëtarësimi i UFAGJ-së në Këshillin Amerikan për Arsimin do të sigurojë mjete dhe burime që do të ndihmojnë në drejtim të sigurt Universitetin, si institucion i arsimit të lartë në Kosovë dhe do të përfitojë mbështetje në ofertat dhe ngjarjet që zhvillojnë anëtarët e “American Council on Education – ACE”.

Këshilli Amerikan për Arsimin (ACE), me mbështetjen e Fondacionit Lumina, është një komunitet global i të mësuarit - Rrjeti Global i Arritjes dhe Përfshirjes (GAIN) për shkëmbimin e praktikave inovative dhe synon të identifikojë qasje fleksibile për studentët. ACE është themeluar më 1918 ,me qendër në Uashington të SHBA-ve.

Anëtarësimi përfshin përfaqësues nga tetë vende themeluese ose rajone, dhe secili delegacion përbëhet nga ekspertë të politikave dhe specialistë. Me mbi 1700 anëtar, si universitete dhe shoqata të arsimit të lartë, ACE koordinon përpjekjet e avokimit të arsimit të lartë për nevojat e kolegjeve, universiteteve dhe studentëve.