Zgjedhjet studentore në Universitetin “Fehmi Agani” në Gjakovë do të mbahen më 24 maj 2021, gjithnjë duke i respektuar masat e IKShPK-së dhe Ministrisë së Shëndetësisë.

Universiteti “Fehmi Agani” inkurajon të gjithë studentët, që të marrin pjesë në zgjedhje dhe t`i votojnë kandidatët e tyre, që ata mendojnë se më së miri do t’i përfaqësojnë interesat e studentëve në Këshillet e Fakulteteve dhe në Parlamentin Studentor.

Universiteti inkurajon studentët që t’i votojnë organizatat studentore (OS) të cilat në programet e tyre nuk kanë agjendë politike, fetare dhe racore.

Të gjithë studentët me të drejtë vote, në listat e publikuara në uebfaqen e Universitetit, në ditën e votimit duhet të kenë me vete ID kartelën dhe letërnjoftimin (kartën e identifikimit).

UFAGj të gjithë studentëve i uron një proces zgjedhor të ndershëm dhe demokratik!

Voto!