Në kuadër të Muajit të Ndërgjegjësimit për Sigurinë Kibernetike, ju ftojmë të merrni pjesë në trajnimin “Siguria Kibernetike dhe Privatësia Online”, organizuar nga  Qendra Didaktike për Përsosmëri në Mësimdhënie e UFAGJ në bashkëpunim me Shoqatën e Intelektualëve “Jakova”, i dedikuar për stafin akademik dhe administrativ të Universitetit “Fehmi Agani” në Gjakovë.

Trajnimi synon të ofrojë njohuri dhe këshilla praktike për mbrojtjen e llogarive, pajisjeve, të dhënave personale dhe informacionit institucional gjatë punës së përditshme.

Gjatë trajnimit, pjesëmarrësit do të mësojnë se si të:

• identifikojnë e-mailet mashtruese (phishing) dhe format e tjera të mashtrimit online;

• krijojnë dhe menaxhojnë fjalëkalime të sigurta dhe të përdorin autentikimin shumëfaktor (MFA);

• mbrojnë pajisjet dhe rrjetet Wi-Fi;

• ruajnë dhe shpërndajnë informacionin në mënyrë të sigurt;

• reagojnë drejt në rast të dyshimit për një incident kibernetik.

Vëmendje e veçantë do t’i kushtohet mbrojtjes së të dhënave të studentëve dhe informacionit institucional, si dhe rreziqeve që lidhen me përdorimin e shërbimeve cloud, platformave online dhe mjeteve të Inteligjencës Artificiale.

Data: 2 tetor 2026, e premte
Ora: 10:00–12:00
Lokacioni: Salla 0, Objekti i Katër Fakulteteve, Universiteti “Fehmi Agani” në Gjakovë

Dy orë trajnim për njohuri praktike që mund të ndihmojnë në parandalimin e gabimeve, humbjes së të dhënave dhe incidenteve të sigurisë.

Ju mirëpresim!

Klikoni në këte link për regjistrim Link