Më 29 maj 2025, në Sallën e Madhe të Rektoratit, u mbajt një takim pune me ftesë të Prorektores për Zhvillim Akademik, Ngritje të Cilësisë dhe Kërkime Shkencore, ku morën pjesë Dekani i Fakultetit të Mjekësisë, Dekani i Fakultetit të Edukimit, Dekani i Fakultetit të Filologjisë, Dekani i Fakultetit të Shkencave Sociale si dhe përfaqësues të Zyrës për Sigurimin e Cilësisë.

Qëllimi i takimit ishte koordinimi rreth procedurave të akreditimit për vitin 2025, si dhe njoftimi me planet e secilës njësi për aplikim në programe të reja studimi. Një tjetër pikë e rëndësishme e diskutimit ishte mundësia e bashkëpunimit ndërmjet njësive akademike për ofrim të programeve të reja.

Gjatë takimit, secili nga dekanët prezantoi punën dhe angazhimet e deritanishme në kuadër të përgatitjeve për akreditim dhe orientimet strategjike për zhvillimin e mëtejmë akademik të fakulteteve përkatëse.

U theksua rëndësia e bashkërendimit institucional dhe vazhdimit të këtij procesi edhe në ditët në vijim, me qëllim të arritjes së objektivave të përbashkëta dhe zhvillimit të qëndrueshëm të Universitetit “Fehmi Agani” në Gjakovë.