Universiteti “Fehmi Agani” në Gjakovë u përfaqësua në konferencën ECLSS12 në Turqi që u mbajt nga data 25 deri më 27 tetor. UFAGJ tashmë ka një traditë të bashkëpunimit me organizatorët nga “Cyprus Science University”, njëherit duke qenë edhe njëri prej institucioneve bashkë-organizatore të kësaj ngjarjeje.

Prorektori Boshnjaku e përfaqësoi institucionin tonë në ceremoninë hapëse dhe sesionet e organizuara tematike të planifikuara. Së bashku me pjesëmarrësit e institucioneve të tjera edhe diskutuan mundësitë e zgjerimit të bashkëpunimeve të reja në fushën e kërkimit shkencor e profesional. Organizatorët u dakorduan që të vazhdohet me bashkëpunimin produktiv dhe të shikohen mundësitë e shkëmbimit të eksperiencave profesionale e shkencore, si dhe përfshirjes së partnerëve në grupet e përbashkëta hulumtuese.

Poashtu në konferencë u prezantuan edhe gjetjet e reja në formën e rastit studimor të titulluar “integrimi i lëndës “Shkrim-Leximi Dixhital në Shëndetësi” në kurrikulat e shkencave aplikative shëndetësore”, si produkt i projektit SUSWELL të financuar nga Erasmus +.