Studentët e Universitetit “Fehmi Agani” në Gjakovë sot bënë shpërndarjen e dhuratave, të cilat u dorëzuan në Kryqin e Kuq të Kosovës - Dega në Gjakovë. Studentët bashkë me pjesëtarët e Kryqit të Kuq gjatë shpërndarjes së dhuratave sollën buzëqeshje në fytyrat e fëmijëve të të shumë familjeve në nevojë. Falendërojmë studentët tanë, që me kontributin e tyre, duke qenë përkrah pjesëtarëve të Kryqit të Kuq i bënë fëmijët në nevojë të ndihen të gëzuar në këto ditë feste.