Më 21 dhjetor 2021 (e martë), Këshilli Qendror për Sigurim të Cilësisë në Universitetin “Fehmi Agani” në Gjakovë, i përbërë nga prof. ass. dr. Laura Naka, prof. ass. dr. Venera Vala Këndusi, prof. ass. dr. Dafinë Kaçuri, prof. ass. dr. Elsa Vula, ass. Granit Kelmendi dhe z. Daut Islami u takuan për të diskutuar rreth zhvillimeve të sigurimit të cilësisë dhe çështje tjera lidhur me universitetin.

Në këtë mbledhje janë shqyrtuar dhe miratuar të gjitha pikat e rendit të ditës. Këshilli Qendror për Sigurim të Cilësisë (KQSC) shqyrtoi dhe miratoi rekomandimet e njësive akademike, aprovoi raportin e vlerësimit të studentëve – semestri veror. Më pas, shqyrtoi dhe miratoi planin dinamik për shpërndarjen e pyetësorëve – semestri dimëror, raportin e vlerësimit të publikimeve shkencore dhe raportin e vlerësimit të kontributit ndaj universitetit dhe shoqërisë.

Në fund u shqyrtuan çështje tjera në funksion të mbarëvajtjes së sigurimit të cilësisë në Universitetin “Fehmi Agani” në Gjakovë.