Rektori i Universitetit të Gjakovës, Prof. Dr. Shaban Buza dhe Rektori i Universitetit të Prizrenit, Prof.Dr. Rame Vataj, sot, me dt. 21.04.2016  nënshkruan marrëveshje bashkëpunimi ndëruniversitar.

Rektorët e të dy universiteteve e vlerësuan lartë arritjen e kësaj marrëveshje dhe u zotuan se do të kujdesen për jetësimin e saj. Marrëveshja parasheh shkëmbimin e kuadrove shkencore-mësimor, për të mbajtur mësim apo ligjërata të veçanta në të gjitha nivelet e studimeve.

Gjithashtu parashihet edhe shkëmbimi i studentëve dhe organizimi i aktiviteteve të përbashkëta në fushat përkatëse. Universitetet do të bashkëpunojnë edhe në fusha të tjera të interesit të përbashkët.