Universiteti “Fehmi Agani” në Gjakovë (UFAGJ) gjatë dy viteve të fundit po dëshmon progres të vazhdueshëm në ngritjen e cilësisë akademike dhe menaxhimit institucional. Në periudhën e fundit, UFAGJ është renditur si Universiteti i tretë publik në Kosovë sipas vlerësimit ndërkombëtar të Webometrics.com (pozita 15547), një ndër platformave më të njohura për matjen e performancës së institucioneve të arsimit të lartë.

Po ashtu, më 26 shtator 2025, organizata ORCA ka publikuar raportin e saj vjetor për rangimin e universiteteve publike në Kosovë, ku UFAGJ është radhitur në vendin e katërt në nivel vendi, bazuar në pesë kategori kryesore të vlerësimit: transparencën institucionale, barazinë gjinore, raportin student–profesor, akreditimin e programeve dhe justifikimin e titujve akademikë.

Rezultatet e UFAGJ sipas kategorive të ORCA-s

Këto rezultate e vendosin Universitetin “Fehmi Agani” në krye të listës për transparencë institucionale, barazi gjinore dhe raport student–profesor, duke treguar përkushtimin e universitetit ndaj standardeve të larta të qeverisjes dhe barazisë.
Në kategorinë e justifikimit të titujve akademikë, UFAGJ ka arritur vendin e katërt (duke shënuar progres nga viti 2023). Ndërsa tek akreditimi dhe riakreditimi i programeve, UFAGJ në vitin 2024 ka aplikuar me 11 programe ndërsa vetëm 6 prej tyre janë akredituar, rrjedhimist sipas metodologjisë së këtij vlerësimi ka dal që të kemi rreth 50 pikë.

Menaxhmenti i lartë i Universitetit “Fehmi Agani” në Gjakovë thekson se këto arritje janë rezultat i punës kolektive të menaxhmentit, stafit akademik dhe administrativ, si dhe i angazhimit të studentëve, duke krijuar një frymë të përbashkët zhvillimi dhe përgjegjësie. UFAGj, do të vazhdojë të punojë me përkushtim për ngritjen e cilësisë së arsimit, forcimin e mëtejm të punës hulumtuese dhe shkencore, e cila do të përmirësoj komponenten e justifikimit të titujve akademikë.