Universiteti “Fehmi Agani” në Gjakovë po merr pjesë në Panairin Ndërkombëtar të Librit dhe Leximit që organizohet në datat 24, 25 dhe 26 prill në Prishtinë.

Paniri është i organizuar nga Akademia e Shkencave dhe Arteve të Kosovës, Akademia e Shkencave e Shqipërisë dhe nga Qendra Kombëtare e Librit dhe Leximit.

Me pjesëmarrje të shumë instucioneve të arsimit të lartë në Kosovë dhe Shqipëri, autorë të ndryshëm do të kenë mundësinë të shfaqin disa nga veprat e tyre më të reja që i kontribuojnë edhe më shumë zhvillimit të shkencës dhe kulturës, e në veçanëti gjuhës dhe letërsisë shqiptare. Përtej kësaj autorët shfaqin edhe studime dhe publikime shkencore në fushat e tjera si të: mjekësisë, teknologjisë, etj.

Universiteti “Fehmi Agani” po merr pjesë me disa botime te fushave të ndryshme nga profesorë të këtij instucioni të arsimit të lartë në Kosovë që këtë fillimvit festoi 10-vjetorin e themelimit, dhe në panair përfaqësohet nga zyrtaret Freskina Mula dhe Tringa Kozniku.  

Pjesëmarrës të këtij panairi janë Akademia e Shkencave dhe Arteve të Kosovës, Akademia e Shkencave e Shqipërisë, Qendra Kombëtare e Librit dhe Leximit, Akademia e Studimeve Albanalogjike në Tiranë, Instituti “Ali Hadri” në Prishtinë, Universiteti i Prishtinës, Universiteti “Fehmi Agani”, Universiteti i Tiranës, Agjencia Shtetrore e Arkivave të Kosovës, Drejtoria e Përgjigjshme e Arkivave të Shqipërisë, Shoqata e Artistëve dhe Intelektualëve “Art Club”- Ulqin, Universiteti i Shkodrës “Luigj Gurakuqi”.