Rektori i Universitetit “Fehmi Agani” në Gjakovë, Prof.Asoc.Dr. Artan Nimani, sot ka pritur në takim kryetarin e Sindikatës së Arsimit Parauniversitar të Gjakovës, Z.Zenun Nimani.

Qëllimi i takimit është bashkëpunimi në mes sindikatës së arsimit dhe universitetit tonë.

Ky takim u mbajt me qëllim që të konkretizojë  marrëveshjen e bashkëpunimit në mes të dyja palëve.

Rektori Nimani u shprehë se Universiteti “Fehmi Agani” në Gjakovë merr përsipër trajnimin e mësimdhënësve para universitar përmes qendrës didaktike për përsosmëri ne mësimdhënie.

UFAGJ është në shërbim të komunitetit te arsimit të të gjitha niveleve  dhe që nga shtatori I vitit të ardhshëm, sindikata e arsimit se bashku me qendrën tonë QDPM do të organizojnë dinamiken e trajnimit te mësimdhënësve në komunën e Gjakovës.

Rektori ofroi mbështetje për Kryetarin e  sindikatës, dhe shtoi se e vlerësojmë punën dhe angazhimin tuaj dhe shprehim gatishmërinë tonë për t’ju mbështetur në misionin tuaj fisnik.

Në anën tjetër, drejtuesi i sindikatës  e falënderoi rektorin për mbështetjen.