Më 14 deri më 17 dhjetor 2021, Prorektorja për Zhvillim Akademik dhe Ngritje të Cilësisë në Universitetin “Fehmi Agani” në Gjakovë, prof. ass. dr. Laura Naka dhe stafi akademik nga Fakulteti i Edukimit, prof. ass. dr. Venera Vala Këndusi e prof. ass. dr. Melinda Mula dhe prof. ass. dr. Drita Kadriu në mënyrë virtuale morën pjesë në punëtorinë për ngritjen e kapaciteteve për menaxhimin e sigurimit të cilësisë në edukimin e mësuesve në Universitetin LUMSA në Romë, Itali.

Punëtoria u organizua nga ekspertë të BE-së nga Universiteti LUMSA me qëllim që të paraqitet një pasqyrë e përgjithshme e praktikave të sigurimit të cilësisë dhe pikat kryesore të saj në sistemin italian. Po ashtu, në këtë punëtori u ofrua mundësia që përfaqësuesit nga institucionet e arsimit të lartë të Kosovës t'i prezantojnë grupit punues të QATEK-ut gjendjen e teknologjisë në zbatimin e praktikave të sigurimit të cilësisë.

Për më tepër, punëtoria u zhvillua në 6 sesione dhe ofroi njohuri nga praktikat inovative në mësimdhënie për mësuesit e ardhshëm dhe shpërndarjen e tyre përmes zhvillimit të fakultetit.

Prorektorja, prof. ass. dr. Laura Naka, prezantoi temën “Praktikat e sigurimit të cilësisë në edukimin fillestar të mësuesve: praktikat e deritanishme dhe mësimet e nxjerra”, në sesionin e dytë për vështrimin e përgjithshëm mbi gjendjen e artit në universitetet e Kosovës dhe praktikat e sigurimit të cilësisë.

Projekti QATEK ka për qëllim zhvillimin e një kulture të cilësisë në institucionet e edukimit të mësimdhënësve për të rritur profesionalizmin e mësimdhënësve në Kosovë, i cili mbështetet nga fondet e Bashkimit Evropian të Programit Erasmus+.