Përfaqësuesit e Universitetit “Fehmi Agani” në Gjakovë po marrin pjesë në uebinarin e radhës në serinë e uebinarëve që po organizohen nga EUA.

Edicioni i parë i serisë së uebinar-it të EUA "Gjelbërimi në institucionet evropiane të arsimit të lartë" do të shqyrtojë ndikimin e strategjive dhe qasjeve institucionale për gjelbërimin dhe se si po ndryshojnë peisazhin e ndërkombëtarizimit dhe lëvizshmërisë. Diskutimi do të sjellë së bashku përfaqësues të disa rrjeteve dhe institucioneve të arsimit të lartë, si dhe Komisionit Evropian. Do të shfaqen qasjet institucionale për uljen e gjurmës së karbonit të ndërkombëtarizimit, dhe mundësitë dhe mbështetja nga programet evropiane të financimit.

Institucionet e arsimit të lartë janë shumë të ndërkombëtarizuara, personeli dhe studentët shpesh janë lëvizës në të gjithë EHEA dhe më gjerë. Të dhënat paraprake nga sondazhi i EUA mbi gjelbërimin sugjerojnë se një pjesë e madhe e institucioneve kanë bërë përpjekje për të adresuar qëndrueshmërinë mjedisore në thelbin e misioneve të tyre.

Folës në këtë uebinar, të kryesuar nga Henriette Stoeber, Analiste e Politikave, EUA, ishin:

Chris Litwiniuk, Universiteti i Edinburgut, Rrjeti UNICA;

Arnim Heinemann, Universiteti i Bayreuth, SGroup;

Marlène Bartes, Komisioni Evropian, DG Edukimi dhe Kultura;

Michael Gaebel, Drejtori i Njësisë së Politikave të Arsimit të Lartë, EUA.

Pjesëmarrës nga Universiteti “Fehmi Agani” në Gjakovë ishin, znj. Rina Rudi Xhiha, Udhëheqëse e Divizionit për Buxhet dhe Financa, nga Zyra për Marrëdhënie me Jashtë znj. Rolanda Mula dhe nga Zyra Ligjore, znj. Marigona Shkoza.