Këshillat Amerikanë për Arsimin Ndërkombëtar, në emër të USKEB, organizojnë sesionin e ardhshëm informues online këtë të premte, më 13 shtator, duke filluar nga ora 10:00. Ky event do të mbahet nëpërmjet platformës zoom. (https://us02web.zoom.us/j/89795724322#success, Meeting ID: 897 9572 4322) dhe do të jetë një mundësi fantastike për të mësuar më shumë rreth Programit të Zhvillimit të Fakultetit Fulbright për vitin akademik 2025 -2026.

Bashkim Preteni, nga Fakulteti Juridik i Universitetit të Prishtinës, do të jetë prezent për të ndarë përvojën e tij. Kjo është një mundësi e mirë për të gjithë pjesmarrësit që të dëgjojnë dhe të frymëzohen nga dikush që ka ecur në rrugën të cilën ju po mendoni ta zgjedhni.

Programi për Zhvillimin e Fakultetit Fulbright është krijuar për anëtarët e fakultetit që aktualisht japin mësim në Kosovë për të udhëtuar në Shtetet e Bashkuara për një periudhë 5 mujore. Qëllimi i programit është të prezantojë pjesëmarrësit me praktikat më të mira dhe qasjet teorike për zhvillimin e kurrikulës në SHBA dhe t'u ofrojë atyre strategji konkrete se si të zhvillojnë kurrikulën për një kurs, duke përfshirë një pasqyrë të burimeve akademike dhe kërkimore. Gjatë programit, pjesëmarrësit do të hulumtojnë dhe zhvillojnë një përshkrim të kursit dhe planprogramit dhe të përshkruajnë strategji specifike të mësimdhënies për kursin e tyre të propozuar.

Nëse jeni të interesuar për programin, por nuk mund të na bashkoheni në këtë sesion informativ në internet, për të mësuar më shumë rreth kërkesave të programit për përshtatshmërinë dhe mënyrën e aplikimit, ju lutemi vizitoni: Programi i Zhvillimit të Fakultetit Fulbright - Ambasada e SHBA-së në Kosovë (usembassy.gov). 

Aplikimi online 2025/26 për Programin e Zhvillimit të Fakultetit Fulbright tani është i hapur dhe do të jetë i disponueshëm deri më 30 shtator 2024.

Kandidatët e mundshëm duhet t'i drejtojnë të gjitha pyetjet te Koordinatorja e Programit Nora Nimani-Musa në [email protected] telefononi në +383 38 226 255.

Ky është një program i përbashkët i Departamentit Amerikan të Shtetit dhe Qeverisë së Kosovës.