Sot në ambientet e Fakultetit të Filologjisë pranë Universitetit “Fehmi Agani” është mbajtur sesion informues mbi trajnimet që po mbahen nga GIZ-i gjerman si dhe nga bashkëorganizatorët organizata joqeveritare ITP me qendër në Prizren dhe CODER’S HUB.

Studentët e UFAGJ-së patën mundësi të mësojnë më shumë së pari mbi regjistrimet për këto trajnime dhe të informohen me saktë për zhvillimin e tyre si dhe përfitimi që mund të kenë gjatë pjesëmarrjes në këto trajnime.

Kurset që ofrohen nga Parku i Inovacionit dhe Trajnimeve prezantohen nga disa trajnerë të përgatitur që iu ndihmojnë studentëve të zhvillojnë aftësitë e tyre në ndihmesë të karrierës profesionale që ata synojnë për të ardhmen. Në sesionin e sotëm ishin Visar Haxhifazliu dhe Nektar Zogiani nga GIZ dhe ITP, Albiona Musa nga UBT dhe Ylli Dallku nga CODER’s HUB.

Disa nga fushat të cilat ofrojnë trajnimet janë;

Zhvillimi i WEB-it dhe aplikacioneve

Baza e IOT

Siguria në TI

3D Modelim dhe Printim

Dizajn Grafik

Marketing Digjital

Menaxhim i Mediave Sociale

Editim i videove dhe audiove

Ndërmarrësia në Teknologji etj.