Më 28 shtator 2021 (e martë), Rektorit i Universitetit “Fehmi Agani” në Gjakovë, prof. ass. dr. Artan Nimani, i shoqëruar nga bashkëpunëtorët, dhe prof. dr. Dhimitri Bello, rektor i Universitetit “Fan S. Noli” në Korçë, kanë nënshkruar marrëveshje bashkëpunimi, me qëllim të zhvillimit të bashkëpunimit akademik dhe promovimin e mirëkuptimit mes dy institucioneve të arsimit të lartë.

Marrëveshja ka për qëllim shkëmbimet akademike, studentëve, stafit administrativ, forcimin e lidhjeve shkencore, bashkëpunim më të ngushtë shkencor, aplikimin në projekte të përbashkëta vendore dhe ndërkombëtare, si dhe projektet specifike në fushat e zhvillimit strategjik midis Universitetit “Fehmi Agani” në Gjakovë dhe Universitetit “Fan S. Noli” në Korçë.

Rektori Nimani dhe Rektori Bello u shprehën të kënaqur për mundësinë e shkëlqyeshme për të shfrytëzuar potencialin e bashkëpunimit dhe u dakorduan të zhvillojnë aktivitete të përbashkëta në mënyrë që të arrihet progres në këto dy institucione të arsimit të lartë.