Më dhimbje të thellë morëm lajmin për shkuarje në amshim të drejtoreshës së IP "Ganimete Tërbeshi", zonjës Vera Vula. Drejtoresha Vera ishte anëtare e Bordit për Inovacion dhe Ndërmarrësi të Universitetit "Fehmi Agani" në Gjakovë, duke qenë gjithnjë e gatshme për bashkëpunim.

Znj. Vera do ta kujtojmë si një edukatore të përkushtuar, në duart e së cilës kaluan shumë e shumë breza fëmijësh. Shembulli i saj do mbahet mend nga të gjithë ata që e njohën, qytetarët e Gjakovës e në veçanti fëmijët!

Universiteti "Fehmi Agani" në Gjakovë shpreh ngushëllimet më të sinqerta familjes, miqve e kolegëve!

Znj. Vera u prehtë në paqe!